गजल : गजल लेख्दै छु

~कुमार आङदेम्बे अबि~

कलम धरापमा,राखेर गजल लेख्दै छु ।
जीवन करारमा,राखेर गजल लेख्दै छु ।

सफर जिन्दगीको,थकान अर्कै कहानी,
समय सराबमा,राखेर गजल लेख्दै छु ।

सफल,सफलता कहिले जुर्ने हो मलाई,
संघर्ष खुराकमा,राखेर गजल लेख्दै छु ।

कोहि बिछोडमा लेख्छन् कोहि मिलनमा
म साहस रातमा,राखेर गजल लेख्दै छु ।

पोख्छु पिडाले पक्कै होइन,म आफुलाई
श्रद्धाञ्जली रासमा,राखेर गजल लेख्दै छु ।