~जीवराज बुढाथोकी~
गरौं र के म सम्झना, मरेर गै सकेपछि ।
टिपौं र फूल आज ती? झरेर गै सकेपछि ।
कथा सरी छ सम्झना, किनारमै सुसाउने,
सुनाउँ के तिमी नदी, तरेर गै सकेपछि ।
गर्यौ कुरा हरेक दिन, रहेछ सम्झनै ठुलो,
अनर्थ भो नि नाटकै, गरेर गै सकेपछि ।
बुझाउनू बुझेर जो, दिमागमा सजाउँछ,
सम्झना के र इज्जतै, छरेर गै सकेपछि ।
न सम्झनै न विर्सनै, छ “राज” नै कहाँ अब,
बुझेर आँसु नैनमा भरेर गै सकेपछि ।
बहर : हजज मुसम्मन मक्बूज
अर्कान : १२१२ १२१२//१२१२ १२१२
जीवराज बुढाथोकी
खलंगा ९, सल्यान
हालः घट्टेकुलो, काठमाडौं
२०७२।०३।२४
