~शान्ति शाह~
आकाशबाट म उडी आउने थिएँ नभुली
तिमीले मलाई प्रिती दिए एकफेर मात्रै डाकिदिए ।
एकलासे वन एक्लो छ मन
जीवन बग्दो पानी
टुट्दो एक कहानी
अनि झर्दो जवानी
तिमीले मेरो हात थामिदिए, वचन मानिदिए
हाँस्थ्यो कि जिन्दगानी ।
मुटुको धड्कन बनेर यौवनको तड्पन बनेर
तिमीले ममा छाइदिए स्वपना बनेर आइदिए ।
आऊँला म एकदिन तिमीलाई खोज्न
रोज्न फूलको माझमा
थाकी घाममा, बास बस्न साँझमा
तिमीले मलाई रुने ठाऊँ दिए लुक्ने ठाऊँ दिए
घुम्टोको बिचमामा ।
जुनेली रात हेरेर आँगनमा एक्लै बसेर
तिमीले मलाई सम्झिदिए सम्झेर एकफेर रोइदिए ।
शब्द : शान्ती शाह
स्वर / सङ्गीत : बच्चु कैलाश
