~रुमानी राई~
तिमी त नाथे कबि न हौ !
एउटा झर्झराउँदो घाम
काठमान्डौको आकासमा
मलिन उदाउँछ
र,बेखबर अस्ताउँछ !
सुदूर पूर्व
एउटा गरीव गाउँमा जन्मिनुको परिणति
काठमान्डौको आँखामा
तिमी सधैं बबुरो साबित हुन्छौ
नझुके सम्म !
तिम्रो बारेमा लेख्न त के
बोल्न पनि हिच्किचाउँछ काठमान्डौ
मानौं,तिमी कबि नै होइनौ
र,कविता नै होइनन् तिम्रा कविताहरु !
गन्ध सुँघेर
नमिठो नाक खुम्च्याउन्छन्
र,वेपर्वाह हिन्हीनाउँछन्
काठमान्डौका घोडाहरु !
(स्रोत : रचनाकारको फेसबुकबाट सभार)
