~कुमार काफ्ले~
-मुकुन्दले जातीय विभेद र छुवाछूत मान्दै मानेन।
-महिला र पुरुषबीचको असमानता जरैदेखि उखेल्नुपर्ने धारण राख्यो।
-छोरीलाई पनि छोरा सरह उच्च शिक्षा र पैतृक सम्पत्तिमा समान अधिकार हुनुपर्छ भनेर वकालत गरिरह्यो।
-विद्यमान अन्याय,अत्याचार,शोषण, दमन र थिचोमिचोको भण्डाफोर गर्न थाल्यो।
-युवाहरूलाई सामाजिक न्याय स्थापित गर्न शोषण र उत्पीडनविरुद्ध लड्नुपर्छ भनेर प्रशिक्षण दिन थाल्यो।
-यो देखेर त्रसित अनि भयभीत टाठाबाठाहरूले उ विरुद्ध गोप्य बैठक गरे।
-बैठकको निर्णय अनुसार गाउँभेला बोलाईयो।
-पूर्वयोजना मुताविक उसलाई पागल घोषणा गरियो।
-ठूलाबडा भनाउँदाको डरले मुकुन्दलाई मन पराउनेहरू समेत चुँईक्क बोलेनन्।
– एक्काईसौं शताब्दी भने त्यो समाजलाई गिज्याईरहेको थियोे।
– ओखलढुंगा।
(स्रोत : रचनाकारको ब्लगबाट सभार)
