~शशीकला थापा सुब्बा~
तिमी पराग म सुगन्ध छाईरहू फूलभरि
हाम्रो प्रीत खेलिरहोस सधैँ फूल कै वरिपरी
कहिँ मन्दिरभित्र बसी, चोखो आभा छरिदिउ
कतै भमराको चुम्बन, जुठो सम्झी झरिदिउ
तिमी रङ्ग म बसन्त,मिलन हाम्रो अजम्बरी
हाम्रो प्रीत खेलिरहोस सधैँ फूल कै वरिपरी
मिलनको क्षण भित्र, सौगात भै बाँचीदिउ
बिदाइको आँशु भित्र, माला बनि हांसीदिउ
तिमी रुप म अनन्त नाता हाम्रो अजम्बरी
हाम्रो प्रीत खेलीरहोस सधैँ फूल कै वरिपरी
हाल : लण्डन
(स्रोत : रचनाकारको फेसबुकबाट सभार)
