~मनेज अधिकारी~
शुन्यताको छाहारीमा घाम आज लाग्यो अरे ।
तर्कि हिड्ने मायालूको साथ उसले पायो अरे ।।
बिछोडको पिडा बोकी बेहोसीमा हिड्दा हिड्दै
अचानक माया पाउँदा उसले गित गायो अरे ।।
तिमीलाई भेट्दिन भन्दै हिड्ने निष्ठूरीले
आज आफै भेट्न आउँदा सफलताले छायो अरे ।।
तिमीलाई अब मैले धोका कहिल्यै दिन्न भनि
बाचा कसम खाईकन मन्दिरबाट आयो अरे ।।
भावी दिनमा दुई ज्यान एकै भई जिउने भनि
संघर्षको वाटोतिर अव आफै छायो अरे ।।
◘ मनेज अधिकारी
फूलासी–५ रामेछाप
