~सर्गमञ्जरी ‘कृष्ण’~
पुषको तुसारोे तापेर
ताराहरुको उज्यालोमा रमाउँदै,
तस्बिर खिचाउँन पर्खिरहेछन्
एक हुल स्वाभीमानीहरु
फोटो स्टुडियोमा !
कलियुगको प्रतिनिधित्व गर्दै
मिथ्या कर्म अगाँलेर
जीवनको रंगमञ्चमा
तछाँड मछाँड गरिरहेछन्
लेनिन,बुई र आइस्टाइन जन्माउने
प्रतिबद्धतामा हस्ताक्षर गर्न
लामबद्ध भिड छ सज्जनहरुको
फोटो स्टुडियोमा ।।
तर,
विडम्बनाता,
तिम्रा प्रतिबिम्बहरुमा
बास्तविकता नझुलेर चिच्याउदैछन्
पात्रहरु,
बिचारको ज्वाला बालेर
कुकृत्यको अन्त्य गर्न
हौसिएका छन् बुज्रुकहरु
किनकी,
मिर्मिरेले रातलाई नचिने झै
तिम्रा तस्विरहरुले
तिमीलाई चिन्दैन रे
पागलहरु लाई देख्दैनन् रे
बुज्रुकहरुलाई बुझ्दैनन् रे
अपनत्व अँगालेर
तिम्रै अपमानमा जुटिरहेको छ रे,
त्यसैले,
विवेकी मूर्खहरुको दाहसंस्कार गर्दै
कोमल क्रुरहरुको अन्त्य गरी
पागल, बुज्रुकहरुको उदार गर्ने
आत्मस्वतन्त्रताको रुपमा
मौलिकता फुलाएर बाच्नलाई
तुसारो ताप्न छाड ।
स्टूडियोम अर्धनग्न तस्बिर
खिच्न छाड ।।
◘ सर्गमञजरी ‘कृष्ण’
खोटाङ–४ छिता पोखरी
हालः महेन्द्र रत्न ताहाचल
