~कुन्दन काफ्ले~
दुखःले अर्जेको मुलुकमा सत्ता र शक्तिको खेल भो ।
छिना र झपटीको बीचमा कागलाई पाकेको वेल भो ।
पैसा र पहुँचको मेल भो, निर्दोषलाई सजाय जेल भो ।
मौन राज्यको कानमा अझै आवाजलाई छेक्ने तेल भो ।
न्याय र शान्तिमा झेल भो, नागरिकताको ‘सेल’ भो ।
मातृभूमीमा गद्दार बढ्दा सहिदको सपना ओझेल भो ।
राजनिति पार्टीको रखेल भो, अवसरवादी बोक्ने रेल भो ।
धम्की र कब्जाको फेरीले विधीको शासन फेल भो ।
दादागिरीलाई ताली भो ।
षड्यन्त्रकारीका माझमा इमान्दारी चाहिं गाली भो ।
माफियाकै साथमा हलो,जुवा र फाली भो ।
आतंककारी कै हातमा सडक,सत्ता र भm्याली भो ।
००
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
