~इन्दिरा थापा~
सपनीमा नबिराई आउने तिमी को ?
थाहै नपाई दिल चोरी लाने तिमी को ?
अङ्ग–अङ्ग चुम्बन गरी मनमा पसेर
तिर्खा लाग्यो जवानीको भन्ने तिमी को ?
बनि घाउँ मेरो मनको अझै चर्कदा
शीतल–शीतल मलम बनि आउँने तिमी को ?
एकोहोरो टोलाउँदै म रोएँ भनेर
मेरो नाउँमा सँगै आँशु झार्ने तिमी को ?
कहाँ जान्छु म के गर्छु सबै सोधेर
पछ्याउँदै छायाँ बनि आउँने तिमी को ?
लर्बराउदै बरबराउँदै म हिडे भनेर
मुस्कुराउँदै मेरो बाटो छेक्ने तिमी को ?
इन्दिरा थापा
फूलासी—५ रामेछाप
(स्रोत : वसन्त-पल्लव साहित्यिक त्रैमासिक,मन्थली-रामेछाप)
