~राज आशातीत~
किन मेरो मरण समय
हर्सोल्लासमय हुंदैन??
मेरो उपस्थितिमा रमाउनेहरु नै
मिथ्या जिन्दगीको माइन्युटमा
हस्ताक्षर गर्न व्यग्र प्रतीक्षीत देख्छु म …
हुनपनी सक्छ,
यो लघुताभाष हुनुपर्छ मेरो!
मेरो आगमन जत्तिकै लोभलाग्दो भ्रम
मेरो परागमन हुनै सक्दैन …
फेरि, यो अनेक अनेक
कुतर्क
कुभाव
कुकृत्य
अनि
कुपात्रताको अनुशरण
सुहाउन्न तंलाइ!
यदि, मान्छे भएरै बांच्नुछ भने तैंले
तेरो सासको माया गर्नुपर्छ …
मात्र आफ्नो माया गर्नुपर्छ … !
राज आशातीत
इटहरी, सुनसरी।
१७ मङ्सिर ७३।
(स्रोत : रचनाकारको फेसबुकबाट सभार)
