~हरी गौतम~
केछ विचार? भन प्यारी, यो सालको तिजमा..!!
गर्दै छौ त….के तयारी? यो सालको तिजमा…!!
वर्त पुजा राखी हौली…,वाधा अड़्चन हर्न…!
देवी देउता खुशी पारी, यो सालको तिजमा…!!
मेरी सानु कती राम्री, देखीन्छ्यौ खै कुन्नी …!
सिन्दुर पोते, लाई सारी.. यो सालको तिजमा…!!
भित्री मनमा गुम्सिएका, पिड़ा पन्छाएर…!
दु:ख पिरलाई लाउनु आरी,यो सालको तिजमा …!!
जे माग्ने छौ त्यही दीन, सम्भव भयो भने…!
ल्याई दीनेछु तारा झारी, यो सालको तिजमा…!!
रमाउने छौ मिली-जुली, आउने महान चाड़मा…!
एक जुट् भई नर र.. नारी यो सालको तिजमा…!!
[[2″केछ विचार? भन प्यारी, यो सालको तिजमा..!!
गर्दै छौ त….के तयारी? यो सालको तिजमा…2″]]
हरी गौतम
खनदह-3,अर्घाखाची
हाल-भारत
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
