~कुन्दन काफ्ले~
फूल हेर्दा पनि किन पातमा नजर जान्छ ?
जून हेर्दा पनि किन रातमा नजर जान्छ ?
सुन हेर्दा पनि किन हातमा नजर जान्छ ?
गुन हेर्दा पनि किन बातमा नजर जान्छ ?
हेराईको दोष हो यो, दोष हो की नजरको ?
देखाईको दोष हो यो, दोष हो की असरको ?
ठनाईको दोष हो यो, दोष हो की ठहरको ?
भनाईको दोष हो यो, दोष हो यो रहर को ?
हेर्ने दोषी हो की, देखिने पो हो दोषी ।
या दोषी हुन् मेरा कुरा काट्ने पडोषी ।
दोषी हो यो दृष्टी या दोष द«ष्टाको हो ।
दोषी हो यो सृष्टी या दोष स्रस्टाको हो ।
दोष मेरो छैन, निर्दोष छौ तिमी पनि ।
होस मेरो छैन र मदहोस छौ तिमी पनि ।
बाँचौंन जीवन पूरा सहयोगी साथी बनी ।
रथी र सारथी का झैं पुरक, परिभाषी बनी ।
००
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
