गीत : तिमीलाई देखेर आँखा

~कृष्णप्रसाद पराजुली~

तिमीलाई देखेर आँखा
त्यहीं छोडी हिंडे म

बाटो सुनसान भैसकेको थियो
जून बिलाएर गैसकेको थियो
बिस्तारै हिंडेको कोही साथमा
तिमीलाई देखेर पाइला
त्यहीं छोडी हिंडे म

बोलाऊँ बोलाउन हुँदैनथ्यो
भुलूँ भने यो मनले दिंदैनथ्यो
भूइँचालो चलाई एक रातमा
तिमीलाई देखेर मुटु
त्यहीं छोडी हिंडे म

शब्द – कृष्णप्रसाद पराजुली
स्वर – उदित नारायण झा
संगीत – नातीकाजी
एल्बम – यस्तो पनि हुँदो रैछ