गीत : एउटै मुटु थियो

~मनु लोहोरुङ राई~

माया गर्ने एउटै मुटु थियो साटें तिमीसँगै
एउटै थियो सम्झिने मन त्यो नि साटें तिमीसँगै

यो शरीर त मरेपछि आखिर माटो हुने नै हो
बाँचुञ्जेल मैले माया गरी र’न्छु तिमीलाई

हिजोसम्म तिमीले नै, नछुटिने कसम खायौ
बाचा कसम बिर्सिएर, आजै किन टाढा भयौ ?

अँध्यारोमा सल्किएर, मेरो मुटु जले पनि
त्यही मुटु बाली–सधैं हेरी र’न्छु तिमीलाई

मनु लोहोरुङ राई
न्यूयोर्क

(स्रोत : विश्वन्युज डट कम )