~कञ्चन पुडासैनी~
जून लाग्यो लेक ढाकी
जून आउँछ राति राति
लहलहाई उठ्छ छाति
मन पलाउँछ राति राति
जून लाग्यो लेक ढाकी
जिन्दगीमा पीर धेरै
छट्पटी छन् वेदना छन्
मरिसकेका कल्पना छन्
भाँचिएका चाहना छन्
तै पनि यो जून अहिले
झल्मलाउँछ राति राति
मन पलाउँछ राति राति
जून लाग्यो लेक ढाकी
जिन्दगीको हाल सम्झी
आज हाहाकार गाएँ
दिनभरि नै पीर मानी
फेरि यौटा दिन बिताएँ
आज गहमा आँसु फेरि
टल्पलाउँछ राति राति
लहलहाई उठ्छ छाति
मन पलाउँछ राति राति
जून लाग्यो लेक ढाकी
शब्द : कञ्चन पुडासैनी
सङ्गीत : दिव्य खालिङ
स्वर : भक्तराज आचार्य
