~हेम हमाल~
पहरामा बास बसी छहराको पानी पिऊँला
सँग सँगै जिउन पाए जीवन हाँस्दै काटिदिऊँला ।
सुनकोशी को पानी जस्तै चोखो प्रीत लाउन पाए
दुई खोलाको दोभान जस्तै सधै भरि भेटन पाए
तेलकासा खेल्दै वनमा कन्दरामा गीत गाऊँला
सँग सँगै जिउन पाए जीवन हाँस्दै काटिदिऊँला ।
दुई छातिको दुइटा मुटुसाटिवरी राख्न पाए
चन्द्रमा र चाँदनी झैं एकार्का हुन पाए
जुनेली भई हामी दुवै रातभरि टल्किदिऊँला
सँग सँगै जिउन पाए जीवन हाँस्दै काटिदिऊँला ।
शब्द : हेम हमाल
स्वर / सङ्गीत : बच्चु कैलाश
