~अनन्त निरौला~
यसपाली लक्ष्मी पूजामा
घरमा रङ्ग लाउनु पर्ने।
छोरी पनि ठुली भइ
कुटुम्ब खोज्नु पर्ने।
छोराको ईन्जिनियरङ्ग सकेको कुरा
बैदारनी बजै खसेको कुरा
घरमा पूजा लाउने भए पछि
आफन्त र छरछिमेकीहरुले
दुना टपरी र बत्ती काट्न सघाउन आउँदा
गर्ने यस्ता कुरा हुन
वा,
टोलका साथी भाइ सित
टोलको मुख्य भेला हुने ठाउँमा
गर्मीको बेला
बेलुकी पख
यसपाली जाड़ोमा
बनभोज कहाँ जाने
यसपाली तिहारमा
देंउसी भैलो कसरी मनाउने भन्ने करा हुन
झट्ट सुन्दा
गन्थने कुरा जस्तो लाग्ला
तर यस्ले
सम्बन्ध जोड्ने काम गरेको हुन्छ।
परिवार र समाज,
थेग्ने काम गरेको हुन्छ
यस्ले दुई मनलाई जोड़ेको हुन्छ।
यो तुइन हो
यो मन देखि मन सम्मको सेतु हो।
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
