~इलामेली टीकाराम दुलाल~
झल्लु नै छु अहिले सम्म नमुनामा आ’को छैन
अरू जान्छन तितर बितर मैले रेष्ट पा’को छैन ।
जति खेल्यो पिटी परेड सधै मेहनत गरे पनि
भन्नु हुन्छ गुरूबाले अझै दुरूस्त भा’को छैन ।
देश र जन्ताको सेवा गर्ने अनि घर चलाउने
सप्ना छन् त्यसैले त भाग्नै मन ला’को छैन ।
आमा बुबा रिजाउदै झुप्रो छानो छाउछु भनि
आए जागिर खान तर अझै छानो छा’को छैन ।
षङ्घर्श यो गर्नेनै छु गर्दै छु म कुशल तालिम
बुझेकै छु प्यासी धाउछ खोला कहिले धा’को छैन ।
लेखन मिति २०६९।०८। १० गते ( तालिमरत समय )
इलामेली टीकाराम दुलाल
नक्साल
(स्रोत : रचनाकार स्वयम्ले ‘साहित्य सङ्ग्रहालय’को फेस्बुक पेजको मध्यमबाट पठाईएको । )
