~के.आर.बिबश राङ्खानी~
कहिले आउला गरीबको हास्ने खेल्ने दिन आमा
साढेसाती लागि राख्ने हाम्लाई मात्रै किन आमा
दु:ख बिमार ठुला रोग गरीबलाई लाग्नु पर्ने
के गरेर तिर्ने होला साहुको सबै रिन आमा
धेरै कुरा गुमाई सक्यौ अझै के के गुमाउनु छ
सुख सँग सास फेर्ने कहिले आउला दिन आमा
सबको रगत रातै हुन्छ भेदभाब अझै किन?
गरीब माथि सबै जना गर्दा रैछन् घिन आमा
दु:ख माथि दु:ख अनी चोट माथि चोट दिन्छ
काल पनि आएन खै म गरीबलाई लिन आमा
“बिबश” राङ्खानी
राङ्खानी-६ बाग्लुङ
ईराकको ताजी बाट
bibash_sharma139@yahoo.com
May 21, 2008
