~कृष्ण वस्ती~
हिर्दयको पँधेरीमा पानी भर्दाभर्दै ।
परेलीमा लुक्नखोज्ने नानी चोर्दाचोर्दै ।।
गीत मैले तिमीलाई छोएँ एकैपल्ट ।
सम्झनामा आफैंलाई धोएँ धेरैपल्ट ।।
फूलजस्तो रुप तिम्रो बास्ना मग्मगाउँदो ।
रात चिरी जून्कीरीको ज्योति जग्मगाउँदो ।।
हत्केलाले घाम छेकी हेरिराखें पैले ।
गीत तिम्रो सिउँदोमा नाम लेखें मैले ।।
बाँसुरीको धुन तिम्रै लागि गुन्गुनाउँछ ।
कल्पिकल्पी यो मन मेरो उसै रुन्झुनाउँछ ।।
गीत मैले तिमीलाई दोबाटोमा छेकी ।
राखिदिएँ तिम्रो हातमा तिम्रै गीत लेखी ।।
(स्रोत : रचनाकारको फेसबुकबाट सभार)
