गजल : तिम्रो वियोगमा

~यल्जी विवश~

मुटु चिरि-दिउँ लाग्छ, तिम्रो वियोगमा
अलिकति पिउँ लाग्छ, तिम्रो वियोगमा !

हजार जन्म सँगै बाँचौ,भन्ने गर्थ्यौ तिमी
एक्लै अब जिउँ लाग्छ,तिम्रो बियोगमा !

तिमीबिना च्यातिएको टुक्रा-टुक्रा मुटु
समेटेरै सिउँ लाग्छ, तिम्रो वियोगमा !

खोला, सागर, ताल सबै सुके झै लाग्छ
भैं आँसु भरिउँ लाग्छ, तिम्रो वियोगमा !

गमलामा सजिएको फूल देख्दा पनि
उखेलेरै लिउँ लाग्छ, तिम्रो वियोगमा !!