~बुद्धवीर लामा~
लालीगुराँस अजम्बरी चाँप चमेली
जे भने नि हुन्छ हजुर म त नेपाली
डाली डालीमा
फुलिरहुँ लाग्छ नि दिलको बारीमा
सुनगाभा हो भीरमा पनि हाँस्न सक्छु नि
नेपाली हुँ पीरमा पनि बाँच्न सक्छु नि
मखमली सयपत्री बेली बाबरी
जे भने नि हुन्छ हजुर म त नेपाली
डाली डालीमा
फुलिरहुँ लाग्छ नि दिलको बारीमा
कमल हुँ म हिलोमा नि फुल्न सक्छु नि
गुलाफ म काँडामा नि फुल्न सक्छु नि
लालुपाते गोदावरी चम्पा केशरी
जे भने नि हुन्छ हजुर म त नेपाली
डाली डालीमा
फुलिरहुँ लाग्छ नि दिलको बारीमा
शब्द – बुद्धवीर लामा
स्वर – कुन्ती मोक्तान
संगीत – शीलाबहादुर मोक्तान
एल्बम – कमेरो
