~म. बि. बि. शाह~
बिर्सेंको भए बितेका कुरा पापीको मनले
सम्झायो पुरानो माया त्यो चिसो हावाले
लेकाली फूल सितका थोपा फूलका मुनाले
ब्युँझायो होला सुतेको माया बिहानी पखले ।
त्यो मुटु बिच गडेको याद जमेको हिउँले
सम्झायो होला पुरानो माया चर्केको घामले
उडेको देखी जुरेली जोडी आकाश रङ्गले
ब्युँझायो होला सुतेको माया साँझको यामले
सम्झायो पुरानो माया त्यो चिसो हावाले ।
सुतेको बेला सपना देखी खुलेको आँखाले
सम्झायो होला पुरानो माया जूनको छायाँले
बगेका गाजल नयनबाट निस्केका आँसुले
बिउँझायो होला सुतेको माया पूरानो यादले
सम्झायो पूरानो माया त्यो चिसो हावाले ।
शब्द : म बि बि शाह
स्वर / सङ्गीत : बच्चु कैलाश
एल्बम : बिर्सेंको भए बितेका कुरा
