~हुसैन खाँ~
सद्भावको जुहारी खेल्दै छ देश मेरो
पीठो नमूछि रोटी बेल्दै छ देश मेरो ।
ईष्या र द्वेष घृणा, बढ्दै छ यो जुनीमा
आफन्तको कुटाई झेल्दै छ देश मेरो ।
हाँस्दै छ भित्र–भित्रै अन्यौल राजनीति
आफैँ टुक्रिन जालो जेल्दै छ देश मेरो ।
चाला भयो कुचाला ठूला–बडाहरूको
पाङ्ग्रा झिकेर गाडी ठेल्दै छ देश मेरो ।
नारा छ अग्रगामी हाते र पाखुरेको
गण्तन्त्रको चुनौती छेल्दै छ देश मेरो ।
हूसैन खाँ
भरतपुर–४, गणेशमार्ग, नारायणगढ चितवन ।
psp195@yahoo.com
(स्रोत : पल्लव साहित्य प्रतिष्ठान – पल्लव डट कम )
