सुनुवार भाषी कविता : गसुम सुम्ती…

~डा.लाल श्याँकारेलु रापचा~

मोलाङ योलाङ लिख खम्ति
प्लोँइताङ मुल्केम ओल दुम्ति ।
ओल ओल दुम्श्या गसुम सुम्ती ……..
।१।
लिम्ति प्लेत्ति मसेत्ति
लोः या प्लोँइश्या दरलेत्ति ।
रिमाचेमा प्लेँश्या गसुुम सुम्ति …. …
।२।
क्योँकुरपला दोथ लेःति ?
खप यो लेश्या कुचु खाइत्ति ।
हेँथ दुम्श्या गसुम सुम्ती …..
।३।
प्लोँइताङ नेल्ले जिकिपुरखी
ताइत्ताङ नेल्ले लगापरगी ।
प्लोँइताङ श्याँदर गसुम सुम्ती …..
।४।
हिल्लो मपन मर मुइली
हेँथे मुरके ख्योल रुइली ।
ख्योल ख्योल दुम्ती गसुम सुम्ती …..
।५।
जाम्तेम नेल्ले पाँइब–ग्यामी
न्हासो सङ सङ मेसेल्मी ।
जाम्श्या निम्लो गसुम सुम्ती …
।६।
कोँइचके दिग्निती ते साम्दी ?
मरदे ग्लुँइशा महाम्दी ?
कोँइच जाम्श्या गसुम सुम्ती …..
।७।

October 9th, 2011
ठेचो–८, यलाखोम
२४ बुरोच (सितम्बर) २०११ सुकनाःत

(स्रोत : Sunuwar.org )