~ज्ञानुवाकर पौडेल~
देख्नमा ऊ साह्रै हतास लाग्थ्यो
जिन्दगीसित थियो कि ऊ निरास लाग्थ्यो
ओठमा खेल्थ्यो मुस्कान कहिलेकाहीं
आँखा तर किन हो उदास लाग्थ्यो
देखेर उसको हालत आफैंलाई पनि
जिन्दगी एकदमै बकवास लाग्थ्यो
एउटा चरा उडेर के गयो भर्खरै
कस्तो-कस्तो मलाई त्यो आकाश लाग्थ्यो
बीच सफरमै जब मोडिन् तिमले बाटो
नगरूँ अब कसैमाथि विश्वास लाग्थ्यो
(स्रोत : प्रतिनिधि नेपाली गजलहरू – गजल सङ्ग्रह – सम्पादन : ललिजन रावल)
