~राम अप्रिय~
– सरकारबाट देशका सम्पूर्ण शिक्षित बेरोजगारी युवाहरूलाई आफ्नो शैक्षिक प्रमाणपत्र धितो राखेर कर्जा लिन पाउने विषयमा तत्काल कार्यन्वयन हुने मिडिया र पत्रपत्रिकाभरि छ्यापछ्याप्ति हल्ला चलेपछि ।
– सम्पूर्ण बेरोजगारी युवाहरूको शिथिल मनमा नयाँ उमंग, जोस् जाँगर, हौसला बढ्न थाल्यो ।
– युवाहरूले रोजगारीको माग राख्दै देशभरि चर्काएका आन्दोलनहरू स्थगित गर्दै गए ।
– बिदेश जान पासपोर्ट बनाउन लागि परेका युवाहरूले बेवास्ता गर्न थाले ।
– भिसा लागिसकेका युवाहरू पनि कोही नजाने निर्णय गर्न थाले, कोही अलिक पछाडि जाने भन्न थाले ।
– प्रत्येक युवाहरूले जीविकोपार्जनको लागि नयाँ-नयाँ बाटाहरू सोच्न थाले ।
– कोही पशुपालन गर्ने, कोही व्यापार गर्ने भन्दै योजना बनाउन थाले ।
– सबै युवाहरू उक्त नियमको कार्यन्वयनको प्रतीक्षामा थिए ।
– समय बित्दै गयो दुई महिना, चार महिना, छ महिना हुँदै वर्ष पुग्यो । नियन कार्यन्वयनको कुनै हल्ला आएन ।
– अन्ततः फेरि सरकार विरुद्धको नारा घन्काउँदै देशका सम्पूर्ण युवाहरू जुर्मुराएर उठे ।
पाँचथर
हाल :- साउदी अरेबिया
रचनाकाल : २०१६/०७/२४/१
