~पशुपति कर्माचार्य~
बुद्ध एउटा आस्था हो
ढल्दैन्
एउटा ज्योति पनि हो
त्यो निभ्दैन !
ए मुर्ख!
बुद्ध स्तुप भित्र
कुरान रोएको
तिमिले देखेनौ ?
बुद्ध मुस्लुम हो
इसा, हिन्दु र शिख
पनि हो !
तिम्रो पागलपनको
मलाइ खेद छ
जवर्जस्ती बुद्धको होइन
आफ़्नै टाउकोमा
घनले हानेकोमा
पश्चाताप हुनुपर्छ तिमी!
बुद्ध सिङ्गो आस्था हो मानवताको
त्यो अजय र अमर रहिरहन्छ !
हाल: न्युजिल्यान्ड
(स्रोत : कबिता सङ्ग्रह “यादका आयामहरु” बाट)
