~कुन्दन काफ्ले~
आमा ममताकी खानी तिमी हौ ।
दिने यो जीवन, जवानी तिमी हौ ।
सुनौलो इतिहाँस कहानी तिमी हौ ।
काली, दूर्गा, माँ भवानी तिमी हौ ।
हे जीवन दाता, जननी हे माता ।
तिमी हौ विद्या, तिमी नै विधाता ।
तिम्रो चरणमा, टेक्दै म माथा ।
गाउँदै हिड्छु, चीर तिम्रै गाथा ।
तिमी हाँसे हाँस्छ, जगत यो सारा ।
रोए तिमी रुन्छ, आकाश,जून,तारा ।
वालक हामी हौं, तिमी नै सहारा ।
नबाँचे है आमा, बहाई आँशू धारा
००
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
