~सुशील चौधरी~
जन्नीह चिमचाम डेख्क
जिन झंख्रहो ठर्वा,
पटोहिया मौन बा कैक
जिन डँक्रहो छावा,
डाइ निब्वालठो कैक
जिन ठौकहो बाबा ।
छाई मु सिलबाटिस् कैक
जिन ढम्क्यइहो डमन्ड्वा,
बुझ्ठ हुक्र फे
मान, स्वाभिमानओ अपमान,
न्याय ओ अन्याय
समानता ओ विभेद
ओजरार ओ अन्ढार
मैगर ओ आँक्खर ।
कायर पुरुषार्थ ओ अहमता
ना डेखाओ आब टुह्र,
काकर किलेसेक्ल
देशके उच्चठान राष्ट्रपतिक,
संसद चुलइया सभामुखक
ओ
न्याय डेना न्यायमुर्ति
प्रधानन्यायाधिसक फे
जनाना मयरी मडागिन हुक्र ।
होसेक्ल,
बरघरिया, ककण्डार ओ भल्मन्सा
मस्टन्र्या, डक्टन्र्या फे
डहरचन्डीक बन्क ।
लगाओ बराबरबठा,
मान, ठान ओ पहिचानके
आत्माके तराजुम जोखजोखक ।
टब
हुइ समाज हमार,
सुखी, शान्तओ फुन्गर ।
२०७३ माघ ९ गते, काठमण्डु
(स्रोत : हमार पहुरा डट कम)
