~बिस्नु प्रवा सापकोटा~
कुन्नि कहाँ बिग्र्यो हाम्रो, पिरतीको हिसाब-किताब
न त भयो वारपार, न त मिल्यो न्याय निसाफ
भुल्यौ कि त जोड्नलाई केही गुणहरु मेरा
बिर्सियौ कि त घटाउन केही दोषहरु तिम्रा ?
हैन भने कता बिग्र्यो पिरतीको हिसाब किताब
न त भयो वारपार, न त मिल्यो न्याय निसाफ।
नभएर हो कि कुन्नी भाग गर्दा बराबरी
मिलेन कि गुणन गर्दा तलमाथि नानाथरी ?
हैन भने कता बिग्र्यो पिरतीको हिसाब किताब
न त भयो वारपार, न त मिल्यो न्याय निसाफ ।
बिस्नु प्रवा सापकोटा
दमेक~१, कुश्मीसेरा, बाग्लुङ
२०६७-०१-२१
(स्रोत : रचनाकारको फेसबुकबाट सभार)
