~बुद्धवीर लामा~
कति जल्छौ आरिसले अँझै जल्दै गर
म त हिंड्छु मेरै बाटो खुट्टा तान्दै गर
काँडेतारको बार लाए नि मेरो यात्रा रोकिन्न
हत्केलाले सूर्यलाई कहिले पनि छेकिन्न
कति गर्छौ उपहास अँझै गर्दै गर
म त हिंड्छु मेरै बाटो खुट्टा तान्दै गर
तिल जत्रो कुरालाई पहाड जत्रै बनाऊ
झूठको खेती सप्रियो भने दीपावाली मनाऊ
कति काट्छौ कुराहरू अँझै काट्दै गर
म त हिंड्छु मेरै बाटो खुट्टा तान्दै गर
शब्द: बुद्धवीर लामा
स्वर: कुन्ती मोक्तान
संगीत: शीलाबहादुर मोक्तान
एल्बम: चोली राम्रो
