~प्रेम प्रसाद पौडेल~
आजभोलि म लेख्दिन भन्छु
लेख, रचना र कविता
लेख्दिन भनेर लेखिरहँदा
आफैं लेख वा कविता बनिँदो रहेछ
म लेख्दिन भन्छु तर आफैं लेखिँदो रहेछ ।।१
खै मलाई थाहा छैन
किन म लेखिरहेर लेख्दिन भन्छु
लेख्दिन भनेर लेखिरहँदा
त्यो आफैंमा लेख वा कविता भएछ
म लेख्दिन भन्छु तर आफैं लेखिँदो रहेछ ।। २
भन्दिन म लेख्दिन भनेर
लेखिएरै छाड्छ भने
लेख्दिन भनेर लेखिरहँदा
अनायासै कविता पो बन्न गएछ
म लेख्दिन भन्छु तर आफैं लेखिँदो रहेछ ।। ३
(स्रोत : रचनाकारको ब्लगबाट सभार)
