~रामचन्द्र कार्की~
तिमीसँग खेलेको हिजै जस्तो लाग्छ,
कोलमा उखु पेलेको हिजै जस्तो लाग्छ ।
चिच्याउदा तिमी फुकाइ दे थे मैले,
लहराले जेलेको हिजै जस्तो लाग्छ ।
गाम बेसी हाट बजार संगै स्कुल,
कालोपाटी छेलेको हिजै जस्तो लाग्छ ।
लड्दा तिमी परालको भारी बोक्दा खेरि,
आफै लडी ठेलेको हिजै जस्तो लाग्छ ।
November 29, 2011
रामचन्द्र कार्की
आँपपिपल-४ राईगाँउ गोरखा
हाल: रानीपौवा पोखरा-११, कास्की
(स्रोत : रचनाकारको ब्लगबाट सभार)
