~नरेशदेव पन्त~
बिस्तारै छायो आँखामा अँध्यारो – आवाज मधुरो २
सुस्तरी सास हुँदै थियो फितलो २
आँशुको ओइरो २
बिस्तारै छायो आँखामा अँध्यारो – आवाज मधुरो
लिन मलाई कोही आइरहेछ – हात बढाइरहेछ २
सधै सधैको लागि अर्कै लोकमा बोलाइरहेछ
कहाँ जादैछुँ कोसँग जादैछुँ सम्बन्ध गहिरो २
बिस्तारै छायो आँखामा अँध्यारो – आवाज मधुरो
चिच्याउन मन भइरहेछ बोली बिलाइरहेछ २
पल पल यो क्षणहरु यही कही हराइरहेछ
कहाँ पुग्दैछु कोसँग भेट्दैछु धुम्म छ कुहिरो २
बिस्तारै छायो आँखामा अँध्यारो – आवाज मधुरो २
सुस्तरी सास हुँदै थियो फितलो २
आँशुको ओइरो २
शब्द : नरेशदेव पन्त
संगीत : बिजु बज्र
स्वर : कर्ण दास
एल्बम – पुरानो डुङ्गा
