~निर्मोही व्यास~
खोक्रो नाता हुनु–नहुनुको हुन्छ औचित्य के र ?
‘बोक्रे मायाँ’ पछि कुदिरहे जिन्दगी जान्छ खेर
आफन्तीका मधु–मिलनमा खुल्दछन् चाडबाड
आफन्ती नै रिपु** बनिगए के दसैँ ? के तिहार ?
बेलै पाकी रुखभरि हरे ! हर्ष के कागलाई ?
के बिस्मातै पनि ? अनि गरोस् व्यर्थ को हाइहाइ !
मान्छेको यो अनुपम जुनी, हो स्वयम् दिव्य चाड
ए ”निर्मोही” ! बुझ यति, अरू चाडको मोह छाड
** शत्रु
(रचनाकाल : २८ कार्तिक २०७२)
(स्रोत : रचनाकारको फेसबुकबाट सभार)
