~सुरज बर्दियाली~
उत्तर दख्खिन पुरुब पच्छिउँ से जागी हम्र युवा//
समाज विकासके कर्तव्यसे जिन भागी हम्र युवा//
बुँदा बुँदा पानी मिल्क जस्तक बनट समुन्दर,
असम्भव हे मिल्के सम्भव बनाए लागि हम्र युवा//
जर्से उँखारी त्वार म्वार कना छोटी सोँच समाजसे,
एक्क बोलिम समानताके गोला दागी हम्र युवा//
धोखेबाज राजनीतिले चिठ्रा चिठ्रा हुइल समाज,
लौव परिवर्तन लानक याक मन तागी हम्र ययुवा//
खैना, बैठ्ना ओ लगैना मौलिक हो अधिकार हमार,
सरकारसे छाटी ठोक्क अधिकार मागी हम्र युवा//
