~भोला बिक्रम राई~
ठूलो सानो धनी गरिव, सबै जहाँ समान हुन्छ
बिकास र सम्पन्नताको, त्यही नयाँ नेपाल हुन्छ
आफ्नो हक अधिकार खोज्दा, कोही त्यहाँ मर्ने छैन
दाजु भाई लडेर कहिले, गाउं वस्ती जल्ने छैन
शान्ति र सुरक्षाको, सधैं जहाँ आभास हुन्छ
बिकास र सम्पन्नताको, त्यही नयाँ नेपाल हुन्छ
भाईचारा र भातृत्वको, गाँसिरहोस् मिठो प्रीत
सबै मिली गाईरहोस्, शान्तिको मिठो गीत
एकतामा बाँधिएको, तराई पहाड हिमाल हुन्छ
बिकास र सम्पन्नताको, त्यही नयाँ नेपाल हुन्छ
अफ्गानिस्तान, काबुल
