~भावेश भुमरी~
तिम्रो एक्लो निर्णयले हुनु घाइते भा’छु
तिम्रै प्यारको जाहेरीमा हाजिर हुन आ’छु
जेल हाल या त नेल अब तिम्रो खुसी
म बाँचुला तिम्रै छेउमा पिरो आँसु पुछी
तिमीबाट एक्लिएँ म मलाई एक्लै पा’छु
तिम्रै प्यारको जाहेरीमा हाजिर हुन आछु
तिम्रो मन सुखी देख्ने मेरो इच्छा बाँकी
यत्ति इच्छा राखुँला म जुनीजुनी साँची
तिमीलाई खोज्दा मैले पीरको गीत गा’छु
तिम्रै प्यारको जाहेरीमा हाजिर हुन आ’छु
-मरन्ठाना-८, प्यूठान
(स्रोत : मधुपर्क २०६६ माघ)
