~भिम बहादुर थापा~
वास्ता तिमीले गरिनौ खै, आफै भेट्न आऊँ कि कसो
व्यस्तता यो थाँती राखी, एउटा पाईला धाऊँ कि कसो
**
साता मात्र हुन्थ्यो कहाँ, महिनौं भईगो पर्खी आ’को
शुन्यता यो चिरीवरी, एउटा माया लाऊँ कि कसो
**
मौका आफै खुल्थ्यो कहाँ, झञ्झट छोडी फर्की आ’को
बाध्यता यो बिर्सीवरी, एउटा मुस्कान छाऊँ कि कसो
**
डुल्ने मेसो फुल्थ्यो कहाँ, साह्रो-गाह्रो तर्की आ’को
बेफुर्सद यो बाँकी राखी, एउटा गजल गाऊँ कि कसो?
** **
भिम बहादुर थापा
वासिङ्टन, अमेरिका।
(स्रोत : रचनाकारको ब्लगबाट सभार)
