~आचार्य प्रभा~
मनको फुल्बारिमा मक्खमली र सयपत्री फूलाएर
म कल्पनाको चोखो धागोमा आशिषको माला
उनेर उपहार तिमीलाई पठाउनेछु
मेरो भाई ,
धैर्य गर तिमी दिदीको आशिष
सदा अटल रहनेछ
भौगोलिक दुरी टाढा भएर के भो ?
नियालेर हेर पारी क्षितिज
इेन्द्रेणिको रंग तिम्रो निधारमा
सजिएको पाउनेछौ
हो……..त्यही क्षितिजलाई
म मेरो प्रतिनिधि पठाउदैछु
एउटी दिदीको कल्पनाको रंग घोलेर
ननिभाउनु कहिल्यै तिमीले
मनको दियो ,
पुरा होस् तिम्रो लक्ष जे थियो
आशिष यही पठाउदैछु म
भाई टिका सम्झी
परदेशमा आँखा रसाउदैछु म
(अमेरिका)
(स्रोत : कविता कुसुम)
