~नविन आचार्य ‘लेटांगे’~
धेरै सवाल हुन्छ होला , तिमी मेरी भएको रात
साँच्चै बबाल हुन्छ होला,तिमी मेरी भएको रात
कहाँ राख्छु तिम्रो माया , कहाँ कहाँ सजाउँछु
कस्तो पो हाल हुन्छ होला,तिमी मेरी भएको रात
सुष्त चालमा घुम्टो मैले,हटाउँदा लाजले तिम्रो
मुहार लाल हुन्छ होला , तिमी मेरी भएको रात
अंग अंग चुम्दै जाँदा , धड्कन बढी सायद मेरो
बेईमानी चाल हुन्छ होला,तिमी मेरी भएको रात
अँगालोमा बेर्दा तिम्लाई,हर्षाशुँले नविनका यी
नयन ताल हुन्छ होला , तिमी मेरी भएको रात
-लेटांग ४ मोरंग
हाल रावागं मलेशिया
(स्रोत : रचनाकारको फेसबुकबाट सभार)
