गजल : खेती गर्न थालेको छु

~कमल प्रकाश पौडेल ~

सिर्जनाको बारीभित्र, खेती गर्न थालेको छु
यहींबाट केही मिल्ने, सानो इच्छा पालेको छु ।।

मनलाई फराकिलो, गराउँँछु भन्दै–भन्दै
मस्तिष्कको शब्दज्ञान, थोरै–थोरै गालेको छु ।।

ठेस कैयौँ लाग्दरैछन्, उकाली र ओरालीमा
फाटेको मन अलिकति, सिर्जनाले टालेको छु ।।

लगाव र परिश्रम, घाम छाँया जस्तै गरी
फल कस्तो लाग्छ कुन्नी, मलजल हालेको छु ।।

कतिसम्म सफल हुन्छु, त्यो त भविष्यले भन्ला
संसार्माथि दृष्टि छर्न, आफ्नै बत्ती बालेको छु ।।

–रचनाकाल ः– २०६३÷०८÷२९

(स्रोत : रचनाकारको ब्लगबाट सभार)