~मबि सिंह~
नआउने तिमीलाई लाख बोलाउन मन लागेन !
आंगनमा रातभरि पर्खेको जून छुन मन लागेन !
जांदै नजाने भनेका कति पक्की रङ्ग पखालें
तिम्रो स्पर्श पाएका यी हात धुन मन लागेन !
नंया तिम्रा ज्यादती नंया तरीका सिकेर सहें
तिम्रो आनन्दमा घात होला भनि रुन मन लागेन !
तिमी आउने र म जाने साईत जुरेछ एकै बेला
बिछोडको समय झल्को ल्याउने सगुन मन लागेन !
कल्पनामा अनुभव गर्न सक्छन् तिम्रो सुबास
म फुले पनि आंखै नलाग्ने फूल हुन मन लागेन !
