~अनन्त निरौला~
कतिले अझै नेपाल सड़क मा सिर्फ
बुङ्गबुङ्गती उड्ने धुवाँ र धुलो देख्लान
खाल्डा र खुल्डीहरु देख्लान
मैले चावहिल गल्ली कि बुढि आमा र
उनले सड़क किनार
बिक्री मा राखेकि
डोको भरिको
हरियो ताजा रायोमा
उनको जाँगर र मेहनत देखेको छु।
कतिले अझै नेपाल सड़क मा सिर्फ
गाड़ी र मान्छेको भीड़ अनि
सड़कमा फ्याँकिएको फोहर देख्लान
मैले चुच्चेपाटीको पेटीमा
ड्याम्म पलेटी कसेर
बिक्री को लागी
रूवोको को बत्ति काट्दै गरेको आमाको हातमा
शिप र लगन देखेको छु।
समय,
मलाई अब आइफल टावर र
सिड्नी ब्रिज घुम्ने मोह रहेन
मेरो यात्राले अब
नेपालको राजमार्ग छिछोलोस
मेरो कविताको लागि
नेपाली लगन र शिप बटुलोस।
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
