~भिम बहादुर थापा~
मखलेलमा मेवा जस्तो खान्छौ कति मेरो देशलाई
तिम्रै बाऊको पेवा जस्तो ठान्छौ कति मेरो देशलाई
**
आशै-आश बक्रबास भो कानून छैन वशमा कतै
सन्की तालमा सुर्किनीले बान्छौ कति मेरो देशलाई
**
नाश र त्रास यहाँ दैनिकी भो शरम छैन सासमा कतै
गिद्दे नङ्ग्रा फिंजाईवरी तान्छौ कति मेरो देशलाई
**
रापैरापको जिवनी भो चयन छैन जनलाई कतै
भद्रगोलको भकारी झैं धान्छौ कति मेरो देशलाई।
** **
भिम बहादुर थापा
वासिङ्टन, अमेरिका।
(स्रोत : रचनाकारको ब्लगबाट सभार)
