~दिनेश अधिकारी~
ढोकामा बत्ती कोठामा बत्ती
शहरभरि झलल बत्ती
तैपनि आँखाभरि आँखा उज्यालो छैन
सम्झन्छु खाली घरकै टुकी
के गर्दै होली मायालु मेरी
पिंढीमा बसी हेर्दै पो छ कि
छोडेर आएँ हातको मुठ्ठी
खोजेर व्यर्थै पोल्टामा खुसी
रोएरै धोऊँ भने नि मन यो
सुनेर कोही पनि हुँदैन दुखी
एक्लै छु सधैं भीडमै पनि
सुस्केरा मात्रै छ ओठभरि
के गर्दै होली मायालु मेरी
नूनको ढिको पोल्दै पो छ कि
पानीले तिर्खा मेटिन्न मेरो
छातीले खोज्छ मायाको धारो
नमिठो लाग्छ मुछेको गाँस
पसेको झैं लाग्छ आँखामा छारो
उसकै छ झल्को विपनाभरि
आँखामा निद्रा छैन रातभरि
के गर्दै होली मायालु मेरी
विछ्यौना आधी छोडेकी छ कि
शब्द – दिनेश अधिकारी
स्वर, संगीत – दीप श्रेष्ठ
एल्बम – श्रृंखला
