~दिनेश अधिकारी~
मैले मन दुखाउन छोडेँ
अरूसँग रिसाउन छोडेँ
दुख्ने पनि आफ्नो मन त हो
मैले आफूलाई सताउन छोडेँ
संसार हो यो संसारमा सयौँथरी मान्छे हुन्छन्
कोही रुन्छन् पीरसँग कोही पीर खेल्दै हाँस्छन्
मैले आफ्नो ज्युनुलाई अरूसँग मिसाउन छोडेँ
मैले मन दुखाउन छोडेँ..
.
हिँड्दै जाँदा बाटो फाट्छ, सबको आफ्नै बाटो हुन्छ
कोही भुल्छ फेदीतिरै, कोही चुलीसम्म पुग्छ
साथ छोड्छु भन्नेलाई मैले अब फकाउन छोडेँ
मैले मन दुखाउन छोडेँ…
