~प्रतिमा विवश राई~
आँखाको नानीमा तिमी
आकासको जूनमा तिमी
लाखौँ ताराहरूमा तिमी
मुटुको स्पन्दनमा तिमी ।
हरेक शुभप्रभातमा तिमी
ढल्कँदो साँझमा तिमी
मेरो सपनाको राजकुमार
जीवनको यात्रामा तिमी ।
अधरको मुस्कानमा तिमी
नजरको दृश्यमा तिमी
आँखाको गाजलमा तिमी
ओठको लालीमा तिमी ।
आँसुको मोतीमा तिमी
मीठो यी निद्रामा तिमी
श्वास-प्रश्वासमा तिमी
मेरा अङ्गअङ्गमा तिमी
मभित्र अब तिमी नै तिमी ।
(स्रोत : मधुपर्क २०६८ माघ)
